uts | press releases

UTS ku tremendo regalo pa nos héroenan, Kampion Mundial di Senior League Baseball 2018

Apresiabel Miembronan di Prensa,

Ayera nochi, durante e agasaho pa nos kampionnan riba Brionplein, CEO di UTS, sr. Paul de Geus, a hasi tur e hóbennan aki sumamente kontentu ku un tremendo regalo komo muestra di apresio.

E hóbennan aki a demostrá for di na Kòrsou kaba ku nan ta berdadero héroenan for di na momento ku nan a sa di NÓ entregá i bai 'all the way' kontra e ekipo di Puerto Rico i gana e título Kampion di Karibe. Ku e mesun desempeño aki di teamwork, nan a sa di logra e titulo máksimo ‘KampionMundial Senior League Baseball 2018’.

UTS pasando den tempunan difísil, lamentablemente no por a kontribuí i yuda e hóbennan aki for di un komienso, pero komo mustra di apresio i gratitut pa lokual nan a hasi pa nos pais, a opsekiá kada un di e hóbennan aki i tambe e ‘coachnan’, un Iphone 8+. Esaki ta kortesia di UTS i Boolchands. Aparte di esaki, UTS ta regalá nan tur mensualmente, durante 1 aña largu, 6 GB na data i yamadanan ilimitá pa tur numbernan fiho i selular di UTS. Un regalo ku sigur lo aportá na sigui mantené e bon komunikashon den tim.

Un biaha mas un kaluroso pabien na nos héroenan lokal. UTS ta sumamente orguyoso di boso.

 

»Return to Press Releases